Осыдан бір жыл бұрын, 2025 жылғы 30 тамызда, Қазақстанда сим-бокстардың заңсыз айналымына заңнамалық тыйым енгізілді.
«Байланыс туралы» Заңның 4-бабының 4-тармағына сәйкес, GSM-шлюздерді әкелуді, тіркеуді, өткізуді және қолдануды байланыс қызметтерін көрсету саласында лицензиясы бар байланыс операторлары ғана жүзеге асырады.
Осыған қарамастан, кейбір тұлғалар тиісті лицензиясыз мұндай құрылғыларды заңсыз әкелуді, өткізуді және пайдалануды жалғастыруда.
Олардың қатарында сим-бокстарды хабарландыру сайттары арқылы сатуға ұсынатын жеке тұлғалар, сондай-ақ телеком-жабдықтарды сататын дүкендер де бар.
Мысалы, Солтүстік Қазақстан облысында OLX сайтында 4 слотты GSM-шлюзді 120 мың теңгеге сату туралы хабарландыру орналастырған тұлғаға қатысты әкімшілік хаттама толтырылды.
Бүгін аталған факті бойынша кінәлі тұлғаны әкімшілік жауаптылыққа тарту мәселесі шешілуде.
Сим-бокстарды пайдалану шетелдік телефон трафигін қазақстандық сим-карталар арқылы өткізуге мүмкіндік беретінін атап өткен жөн.
Бұл алаяқтарға шетелден жергілікті нөмірлер арқылы қоңырау шалуға және қоңыраудың нақты қайдан жасалғанын жасыруға мүмкіндік береді.
Мұндай жабдықтың қылмыскерлердің қолына түсуі жаппай алаяқтық қоңыраулар жасауға және ақша жымқыруға жағдай туғызады.
Осыған байланысты сим-бокстарды белгіленген тәртіпті бұза отырып сатып алмаңыз және пайдаланбаңыз.
Заңнамалық тыйым енгізілгенге дейін сатып алынған GSM-шлюздердің иелері не істеуі керек?
Олар аталған құрылғыларды одан әрі пайдалану және оларға қатысты өзге де әрекеттер жасау тәртібін анықтау үшін уәкілетті органға жүгінуі қажет.
Тиісті түсіндірмелер алынғанға дейін сим-бокстарды пайдалануға болмайды.
Бұл үшін 5 жылға дейін бас бостандығынан айыру жазасы көзделген.
Бас прокуратураның баспасөз қызметі
Ақпарат көзі : https://www.gov.kz/memleket/entities/prokuror/press/news/details/1284817?lang=ru
Жауап қалдыру