Алматы қаласы әкімінің орынбасары Абзал Нүкеновтің төрағалығымен нашақорлық пен есірткі бизнесіне қарсы іс-қимыл жөніндегі мемлекеттік органдардың қызметін үйлестіру бойынша басқармааралық штаб отырысы өтті.
Отырысқа Полиция департаментінің, ҰҚК департаментінің, прокуратураның, ҚР ІІМ Есірткі қылмысына қарсы іс-қимыл комитетінің, әкімдіктің салалық басқармалары мен аудан әкімдіктерінің өкілдері қатысты.
Отырыста оқушылар мен олардың ата-аналары арасында нашақорлықтың алдын алу мәселесі, сондай-ақ Алматыда «НаркоСтоп» жобасының іске асырылу барысы қаралды.
Мемлекет басшысының тапсырмасына сәйкес білім беру ұйымдарындағы ақпараттық-түсіндіру жұмыстарын күшейтуге, сондай-ақ әлеуметтік желілерде есірткі мен алкогольді насихаттауға жүйелі түрде қарсы іс-қимыл жүргізуге ерекше назар аударылды.
Отырыс қорытындысы бойынша жасөспірімдер арасындағы профилактикалық жұмысты жандандыру және мемлекеттік органдардың өзара іс-қимылын жақсарту жөнінде тапсырма берілді.
Ақпарат көзі : https://www.gov.kz/memleket/entities/almaty/press/news/details/1285714?lang=ru
Жауап қалдыру