2026 жылғы 4 қыркүйекте Солтүстік Қазақстан облысының білім саласында сапаны қамтамасыз ету департаменті Аққайың ауданының мектепке дейінгі ұйымдарының басшыларымен мектепке дейінгі білім беру ұйымдарының қызметін алдағы лицензиялау мәселелері бойынша семинар өткізді.
Кездесу барысында Департамент мамандары басшыларға лицензиялаудың нормативтік-құқықтық негіздерін, рәсімнен өту тәртібін және мектепке дейінгі ұйымдар сәйкес келуі тиіс негізгі біліктілік талаптарын түсіндірді.
Қосымша қаржыландыруды талап етуі мүмкін талаптарға, атап айтқанда, материалдық-техникалық жарақтандыруға және белгіленген нормаларға сәйкес оқу-әдістемелік кешендермен қамтамасыз етілуіне ерекше назар аударылды.
Мектепке дейінгі ұйымдардың басшыларына алдағы лицензиялауға қажетті құжаттарды дайындау бойынша практикалық түсіндірулер мен ұсынымдар берілді.
Департаменттің мектепке дейінгі ұйымдарды лицензиялау мәселелері бойынша ақпараттық-түсіндіру жұмыстары жалғасуда.
Ақпарат көзі : https://www.gov.kz/memleket/entities/control-sko/press/news/details/1286021?lang=ru
Жауап қалдыру