2026 жылғы 3 қыркүйекте Ақмола облысы бойынша Медициналық және фармацевтикалық бақылау департаменті басшысының орынбасары Оспанова А.А. фармацевтикалық қызмет субъектілеріне арналған семинар-кеңес өткізді.
Іс-шара Көкшетау қаласының фармацевтикалық қоғамдастығы үшін офлайн форматта, сондай-ақ Ақмола облысының фармацевтикалық қоғамдастығы үшін онлайн форматта өткізілді.
Семинар-кеңес барысында Оспанова А.А. сыбайлас жемқорлық құқық бұзушылықтарының алдын алу, сыбайлас жемқорлыққа қарсы заңнаманы сақтау және адалдық қағидаттарын ұстану мәселелері бойынша ақпарат берді.
Фармацевтикалық инспекция және фармацевтикалық қызмет саласындағы мемлекеттік көрсетілетін қызметтер бөлімінің басшысы Вдовина Л.В. және бөлімнің бас маманы Нурмаганбетова Д.С. тиісті дәріханалық практика (GPP) және фармацевтикалық қызмет саласындағы мемлекеттік көрсетілетін қызметтер мәселелері бойынша ақпарат ұсынды.
Сонымен қатар, фармацевтикалық бақылау бөлімінің басшысының міндетін атқарушы Абдрахманова К.А. дәрілік заттарды таңбалау мәселелері бойынша түсіндірме берді.
Семинар-кеңес барысында қатысушыларға фармацевтикалық қызмет және мемлекеттік көрсетілетін қызметтер саласындағы өзекті мәселелер бойынша түсіндірмелер берілді.