«ЖАҢА ШЕШІМДЕР УАҚЫТЫ»
Санитариялық-эпидемиологиялық қызмет — ең алдымен, күнделікті еңбегімен халық денсаулығын қорғауда тұрған адамдар. Оның тарихындағы әрбір жылдың артында өздерін маңызды әрі жауапты іске арнаған мамандардың кәсіби тағдыры жатыр.
Сухоносенко Елена Леонидовнаның кәсіби еңбек жолы отыз жылдан астам уақытты қамтиды және денсаулық сақтау жүйесі мен санитариялық-эпидемиологиялық қызметпен тығыз байланысты.
Елена Леонидовнаның жоғары білімі бар. Санитариялық-эпидемиологиялық қызметтегі еңбек жолын 1989 жылы Павлодар аудандық санитариялық-эпидемиологиялық станциясында энтомологтың көмекшісі қызметінен бастады.
Алғашқы кәсіби қадамдары санитариялық-эпидемиологиялық қызметтегі көпжылдық еңбек жолының бастамасына айналды. Кейінгі жылдары Елена Леонидовна эпидемиологтың көмекшісі, инфекциялық және паразиттік ауруларды бақылау бөлімінің жетекші және бас маманы қызметтерін атқарып, кәсіби білімін жүйелі түрде жетілдіріп, мол практикалық тәжірибе жинақтады.
2003 жылдан бастап оның кәсіби қызметі мемлекеттік қызмет жүйесінде жалғасты. Көптеген жылдар бойы Елена Леонидовна эпидемиологиялық бақылаудың маңызды бағыттарының бірі — иммунопрофилактика, инфекциялық және паразиттік аурулардың алдын алу мәселелерімен айналысып келеді.
Оның көпжылдық еңбегі инфекциялардың таралуын болдырмауға, профилактикалық іс-шараларды ұйымдастыру мен өткізуге, иммунопрофилактика саласындағы бақылауды жүзеге асыруға және Павлодар облысы халқының санитариялық-эпидемиологиялық саламаттылығын қамтамасыз етуге бағытталған.
Елена Леонидованың кәсіби өмірбаянында COVID-19 пандемиясы кезеңінің орны ерекше. Денсаулық сақтау жүйесі үшін аса күрделі болған бұл кезеңде санитариялық-эпидемиологиялық қызмет мамандары жаңа инфекциямен күрестің алдыңғы шебінде болды.
Елена Леонидовна эпидемияға қарсы іс-шараларды жүргізуге, эпидемиологиялық бақылауды жүзеге асыруға және коронавирустық инфекцияның таралуын болдырмауға бағытталған жұмыстарға тікелей қатысты. Жауапкершілігі, кәсіби сабырлылығы мен өз ісіне деген адалдығы сол кезеңнің сын-қатерлерін абыроймен еңсеруге мүмкіндік берді.
Көпжылдық адал еңбегі және халықтың санитариялық-эпидемиологиялық саламаттылығын қамтамасыз етуге қосқан елеулі үлесі үшін Елена Леонидова мемлекеттік және ведомстволық наградалармен марапатталған. Олардың қатарында Қазақстан Республикасының Бас мемлекеттік санитариялық дәрігерінің Құрмет грамотасы, «Денсаулық сақтау ісінің үздігі» төсбелгісі, сондай-ақ COVID-19 пандемиясымен күреске қосқан үлесі үшін берілген «Халық алғысы» медалі бар.
2025 жылғы 17 ақпаннан бастап Елена Леонидовна Қазақстан Республикасы Денсаулық сақтау министрлігінің Санитариялық-эпидемиологиялық бақылау комитетіне қарасты Павлодар облысының Санитариялық-эпидемиологиялық бақылау департаментінің инфекциялық және паразиттік ауруларды бақылау бөлімінің бас маманы қызметін атқарады.
Бүгінде кәсіби еңбек жолының басталғанына отыз жылдан астам уақыт өтсе де, Елена Леонидовна санитариялық-эпидемиологиялық бақылау жүйесінде өз қызметін жалғастырып, жинақтаған білімі мен практикалық тәжірибесін кейінгі буын мамандарына беріп, өзіне жүктелген іске деген жоғары жауапкершілігін сақтап келеді.
Оның кәсіби тарихы — мамандыққа адалдықтың, тынымсыз еңбектің және адамдарға қызмет етудің тарихы.
Жылдар өте жүйе өзгерді, эпидемиологиялық бақылау әдістері жетілдірілді, жаңа сын-қатерлер мен міндеттер пайда болды. Алайда басты құндылық — маманның халық денсаулығына деген жауапкершілігі және кез келген сәтте көмек көрсетуге дайын болуы — өзгеріссіз қалды.
Осындай мамандар санитариялық-эпидемиологиялық қызметтің негізін қалыптастырады — оның кәсіби беделін, сабақтастығын және заман талабына сай сын-қатерлерге жауап бере алу қабілетін айқындайды.
15 қыркүйек — Санитариялық-эпидемиологиялық қызмет қызметкері күні қарсаңында Елена Леонидовнаға көпжылдық адал еңбегі, жоғары кәсібилігі және Павлодар облысы халқының санитариялық-эпидемиологиялық саламаттылығын қамтамасыз етуге қосқан елеулі үлесі үшін шынайы алғысымызды білдіреміз.
Көпжылдық тәжірибеңіз, біліміңіз бен мамандыққа деген адалдығыңыз алдағы уақытта да халық денсаулығының игілігіне қызмет ете берсін!
Ақпарат көзі : https://www.gov.kz/memleket/entities/departament-kkbtu-pavlodar/press/news/details/1288739?lang=ru
Жауап қалдыру