11 қыркүйекте мәслихат төрағасы О. Баймағанбетов әріптестері – қалалық мәслихат депутаттары Жаяубаев Ж.К. және Савчин Я.Н.-мен бірге қалалық білім бөлімінің басшысы Г. Тохметованың, мектеп-интернат директоры К. Махаметчиннің және мердігер ұйымның қатысуымен “№7 мектеп-интернат” КММ-де көшпелі отырыс өткізді.
Көшпелі отырыстың негізгі мақсаты жөндеу жұмыстарының барысына мониторинг жүргізу, сондай-ақ белгіленген мерзімдердің сақталуын және олардың орындалу сапасын бағалау болды.
Қазіргі уақытта мектеп-интернатта оқу корпусының екінші қабатында жөндеу жұмыстары, сондай-ақ спорт залы мен жатақхана корпусының шатыры жөнделуде.
Тексеру барысында жұмыстардың жекелеген түрлері бойынша бекітілген кестеден артта қалушылық бар екені анықталды. Осыған байланысты мерзімдерді сақтау, жұмыстардың орындалу сапасы және тәрбиеленушілердің қауіпсіздігін қамтамасыз ету мәселелеріне ерекше назар аударылды.
Көшпелі отырыс қорытындысы бойынша жауапты тұлғалармен анықталған проблемалық мәселелер талқыланып, жөндеуді уақтылы аяқтау үшін қажетті шаралар айқындалды.
Мектеп басшылығы мен білім бөліміне мердігер ұйымды бақылауды күшейту, жұмыстардың орындалуын жеделдету және олардың тиісті сапасын қамтамасыз ету ұсынылды. Сондай-ақ жөндеудің аяқталу мерзімдерін көрсете отырып, өндірістік жұмыстар кестесін ұсыну қажет. Бұзушылықтар анықталған жағдайда заңнама және шарттық міндеттемелер шеңберінде тиісті шаралар қабылдау керек.
Жөндеу жұмыстарының аяқталуы, белгіленген мерзімдердің сақталуы және олардың орындалу сапасы мәселесі депутаттық бақылауда қалады.
Ақпарат көзі : https://www.gov.kz/memleket/entities/maslihat-karaganda-saran/press/news/details/1290926?lang=ru
Жауап қалдыру