Санитариялық-эпидемиологиялық қызметтің тарихында өз еңбегімен із қалдырған мамандардың орны ерекше. Солардың бірі – Шунчева Любовь Николаевна. Оның сан жылдық кәсіби жолы халықтың санитариялық-эпидемиологиялық салауаттылығын қамтамасыз етуге, әсіресе өскелең ұрпақтың денсаулығын қорғауға бағытталды.
Любовь Николаевна 1946 жылғы 28 қазанда Рязань облысының Кадом ауданындағы Муханов кентінде дүниеге келген. 1967 жылы Қарағанды медициналық училищесін «санитариялық фельдшер» мамандығы бойынша аяқтап, медицина саласындағы кәсіби жолын бастады. 1973 жылдың қаңтар айынан бастап Шахтинск қаласының санитариялық-эпидемиологиялық станциясында санитариялық дәрігердің көмекшісі болып қызмет атқарды. Осы ұжымда 33 жыл бойы еңбек етіп, санитариялық-эпидемиологиялық қызметтің дамуына өз үлесін қосты.
Кәсіби қызметінің негізгі бағыттарының бірі балалар мен жасөспірімдер гигиенасы болды. Санитариялық дәрігермен бірлесе отырып, білім беру және тәрбиелеу объектілеріне санитариялық қадағалау жүргізіп, санитариялық-гигиеналық талаптардың сақталуына бақылау жасады. Бұл жұмыс балалардың денсаулығын сақтауға және қауіпсіз білім беру ортасын қалыптастыруға бағытталды. Ұзақ жылдар бойы жинақтаған кәсіби тәжірибесі мен жауапкершілігі Любовь Николаевнаны өз ісінің білікті маманы ретінде танытты. Оның еңбек жолы санитариялық қызметтің күнделікті жұмысының қоғам денсаулығы үшін қаншалықты маңызды екенін көрсетеді.
2006 жылы Любовь Николаевна еңбек жолын аяқтап, зейнеткерлік демалысқа шықты. Бүгінде оның көп жылғы еңбегі мен кәсіби тәжірибесі санитариялық-эпидемиологиялық қызмет тарихының бір бөлігі болып табылады.
Санитариялық-эпидемиологиялық қызмет жұмыскері күніне орай Любовь Николаевнаға халық денсаулығын қорғау жолындағы көп жылғы еңбегі мен мамандығына деген адалдығы үшін ризашылығымызды білдіре отырып, мықты денсаулық, отбасылық амандық, бақыт пен ұзақ ғұмыр тілейміз!
Ақпарат көзі : https://www.gov.kz/memleket/entities/departament-kkbtu-karaganda/press/news/details/1291212?lang=ru
Жауап қалдыру