Қазақстанда мектептер мен колледждер түлектерінің саны артуда. Соңғы үш оқу жылында мемлекеттік білім беру тапсырысы 48,4 мың орынға немесе 14 пайызға өсті. Осы кезеңде түлектер саны 141,3 мыңнан 169,2 мың адамға дейін көбейді. Ең үлкен өсім жұмысшы біліктіліктері бойынша (47,5 мыңнан 60,1 мың түлекке дейін) және орта буын мамандықтары бойынша (88,2 мыңнан 103,2 мыңға дейін) байқалды.
Сонымен қатар, елімізде колледж студенттерінің стипендиясы екі есеге ұлғайып, 43 мың теңгені құрады. Бүгінгі таңда еліміздегі 763 колледжде 556 мыңнан астам студент білім алуда. Соңғы үш жыл ішінде колледждерге қабылдау 5,8 пайызға өссе, жұмысшы біліктіліктері бойынша мемлекеттік тапсырыс 131,4 мың орынға жетті.
Сондай-ақ жатақханалармен қамтамасыз ету деңгейі 95,4 пайызға жақсарып, жұмысшы мамандықтары бойынша түлектерді жұмысқа орналастыру көрсеткіші 68 пайызды құрады.
Ақпарат көзі : https://www.gov.kz/memleket/entities/almaty-bala/press/news/details/1291542?lang=ru
Жауап қалдыру