Жетісу облысының полиция қызметкерлері мал ұрлығы мен заңсыз мал тасымалдау фактілерінің алдын алу мақсатында жүргізушілермен тұрақты түрде профилактикалық түсіндіру жұмыстарын жүргізуде.
Сонымен қатар, күнделікті қызмет барысында мал тасымалдайтын автокөліктер тоқтатылып, тасымалданатын малдың құжаттары, оның ішінде ветеринариялық талаптарға сәйкестігі тексеріледі.
Жыл басынан бері облыс аумағында малды заңсыз тасымалдауға қатысты 42 факт анықталды. Аталған фактілер бойынша тиісті материалдар ветеринариялық инспекция органдарына жолданып, қолданыстағы заңнамаға сәйкес шаралар қабылдануда.
Полиция қызметкерлері мал иелері мен тасымалдаушыларды малды белгіленген тәртіппен тасымалдауға, қажетті құжаттарды өзімен бірге алып жүруге және ветеринариялық талаптарды қатаң сақтауға шақырады.
Ақпарат көзі : https://www.gov.kz/memleket/entities/mvd-zhetysu/press/news/details/1292963?lang=ru
Жауап қалдыру