Балаларға арналған “Көңілді старттар” спорттық мерекесін полицейлер өткізді

– “Жасөспірім” республикалық жедел-профилактикалық іс-шарасы аясында Павлодар облысы ПД “Динамо” спорт кешенінде “Көңілді старттар”жарысы өтті.
Іс –шараға 11-14 жас аралығындағы балалар үйлері мен интернат тәрбиеленушілерінің балалары шақырылды-деп хабарлайды Павлодар облысы ПД.
Павлодар облысы ПД жергілікті полиция қызметі басқармасы бастығының орынбасары Руфат Кенжин қатысушылардың алдында құттықтау сөз сөйлеп, балаларға спорттық толқу мен жеңіс тіледі.
Жастардың назарына арнайы техника, құрал-жабдықтар, қару-жарақ қойылды, төрт аяқты полиция көмекшілері кедергілерді қалай оңай жеңетінін, иісі бойынша адамдар мен олардың заттарын қалай табатынын көрсетті.
“Көңілді старттар” мерекелік бағдарламаға әзіл мен жақсы көңіл-күйдің ерекше нотасын енгізді, оған қатысқан барлық балалар қуана қатысты.
Бес команда спорттық атақ үшін күресті. Барлық командалар ерекше көңіл – күймен ойнады-жеңуге тырысты.
Барлық кезеңдерде балалар шыдамдылық пен табандылық таныта отырып, шеберліктерін көрсетті. Ең бастысы, олар сергектік пен көптеген жағымды эмоцияларға ие болды.
Табанды күресте бірінші орынды Екібастұз қаласының “Үміт” балаларды қолдау өңірлік орталығының командасы, екінші орынды “Сұңқар” командасы – Кенжекөл ауылының отбасылық үлгідегі балалар ауылы, үшінші орынды “Везунчики” командасы – Павлодар қаласының Отбасылық үлгідегі балалар ауылы жеңіп алды.
“Жылдам команда” номинациясында Екібастұз қаласының балаларды қолдаудың өңірлік орталығы атанды. “Ең мықты” номинациясына “Батыр” командасы – Тереңкөл ауданының ата-анасының қамқорлығынсыз қалған балаларды қолдау орталығы ие болды.
Дамир Шишкин бәрінен де епті болды-және ең тапқыр Ялина Янцен болды.
Іс-шара соңында барлық қатысушылар балмұздақпен марапатталды, жеңімпаздар грамоталармен, сыйлықтармен және кубоктармен марапатталды.
Барлық сынақтарды жеңген қатысушылар қуанышты күлімсіреп, жеңіс тұғырына мақтанышпен көтеріліп, лайықты қошеметтерге ие болды.
Ал кейінгі өмірде балаларға әдемі жеңістер мен тамаша нәтижелер тілейміз.
– Осындай жарыстарды өткізу арқылы біз салауатты өмір салты қағидаттарын насихаттаймыз, балаларға спортқа деген сүйіспеншілікті оятамыз, егер жасөспірім спортпен шұғылданса, оның заңды бұзуға уақыты болмайды – деп атап өтті полиция қызметкерлері.

Ақпарат көзі : https://www.gov.kz/memleket/entities/mvd-pavlodar/press/news/details/985204?lang=kk