2026 жылдың 16 қыркүйегінде Жетісу облысы бойынша сауда және тұтынушылардың құқықтарын қорғау Департамент мамандары Жетісу облысы кәсіпкерлік және индустриялық-инновациялық даму басқармасымен бірлесіп «Шаған», «Ауыл» және «Центральный» сауда базарларын жаңғырту бойынша «Шаған» ЖШС директорымен дөңгелек үстел өткізді.
Қазақстандағы сауда нарықтарын жаңғырту қажеттілігі «Сауда қызметін реттеу туралы» ҚР Заңына сәйкес бекітілген. Сауда нарықтарын модернизациялау тек экономикалық ғана емес, сонымен бірге әлеуметтік маңызы бар.
Басты мақсат-уақыт талаптарына жауап беретін және сатып алушылар мен сатушылар үшін ыңғайлы және қауіпсіз жағдайларды қамтамасыз ететін заманауи сауда инфрақұрылымын құру.
Сауда нарығын жаңғырту – бұл құрылыс-монтаждау жұмыстары, Қолданыстағы ғимаратты қайта құру, қайта жаңарту немесе аумақтың қолданыстағы шекараларында жаңа ғимарат салу арқылы объектіні пайдаланудың заманауи талаптары мен технологияларына сәйкес автодүкендерді қоспағанда, стационарлық немесе стационарлық емес сауда объектілерінің пайдалану көрсеткіштерін келтіруге бағытталған іс-шаралар кешені екені түсіндірілді.
Ақпарат көзі : https://www.gov.kz/memleket/entities/zhetysu-industrial/press/news/details/1293179?lang=ru
Жауап қалдыру