Жетісу облысының мемлекеттік архивінің мамандары ведомстволық архивтердің, сондай-ақ жинақтау көздері болып табылатын мекемелер мен ұйымдардың қызметкерлеріне арналған «Е-Архив» ақпараттық жүйесін енгізу мен пайдалануға бағытталған оқыту семинар-кеңесін өткізді. Іс-шараның басты мақсаты — пайдаланушыларды цифрлық ортада жұмыс істеудің практикалық дағдыларына үйрету және құжаттарды мемлекеттік сақтауға өткізу кезінде ведомствоаралық өзара іс-қимылдың тиімділігін арттыру.
Ұйымдастырушылар архившілердің электрондық құжаттарды жүктеу және верификациялау (тексеру) кезінде жиі кездесетін практикалық кейстері мен типтік қателіктерін талдауға ерекше назар аударды. Кеңеске қатысушылар ғылыми-анықтамалық аппаратты цифрлық форматта қалыптастыру бойынша қадамдық нұсқаулықтар алды.
Кездесу соңында «сұрақ-жауап» форматында дөңгелек үстел өтті. Жинақтау көздері болып табылатын ұйымдардың өкілдері мемлекеттік архив мамандарымен бірге «Е-Архив» АЖ-де жұмыс істеудің техникалық аспектілерін тікелей талқылап, жүйенің интерфейсін жақсарту бойынша өз ұсыныстарын білдіре алды.
Ұйымдастырушылар «Е-Архив» АЖ-не көшу өңірдегі архив ісін жаңғыртудағы маңызды қадам екенін атап өтті. Күнделікті атқарылатын жұмыстарды автоматтандыру құжаттарды қабылдау-тапсыру үдерісін жеделдетіп қана қоймай, олардың болашақта жүз пайыз сақталуы мен қолжетімділігіне кепілдік береді.
Ақпарат көзі : https://www.gov.kz/memleket/entities/zhetysu-archive/press/news/details/1294283?lang=ru
Жауап қалдыру