Бүгін Жамбыл облысы Төтенше жағдайлар департаментінің ұжымы азаматтық қорғау саласында көп жылдар бойы абыройлы еңбек еткен Бекбауова Таисия Исатайқызын құрметті еңбек демалысына шығарып салды. Қызмет еткен жылдары Таисия Исатайқызы кәсіби жолдан өтіп, диспетчер, аға диспетчер және байланыс қызметінің аға шебері лауазымдарында еңбек етті. Оның қызметі жоғары жауапкершілік пен жеделдікті талап етті. Себебі мамандардың үйлесімді жұмысы төтенше жағдайларға дер кезінде ден қоюға және адамдарға қажетті көмек көрсетуге тікелей ықпал етеді. Әріптестері үшін Таисия Исатайқызы тәжірибелі маман ғана емес, сонымен қатар өз білімі мен кәсіби тәжірибесін жас мамандармен бөлісуге әрдайым дайын болған білікті тәлімгер ретінде танылды. Бүгін әріптестері Таисия Исатайқызына алғыстарын білдіріп, жүрекжарды тілектерін жеткізді. Өмірінің маңызды бір кезеңін аяқтаған ол енді күнделікті шұғыл шақыртулар мен қызметтік міндеттерден азат жаңа кезеңге қадам басып отыр. Құрметті Таисия Исатайқызы! Сізге көп жылғы адал еңбегіңіз, кәсібіңізге деген беріктігіңіз және ортақ іске қосқан үлесіңіз үшін алғыс айтамыз! Құрметті еңбек демалысыңыз отбасыңызбен бірге өткізетін бақытты сәттерге, сүйікті істеріңізге, жаңа әсерлер мен орындалған армандарға толы болсын. Сізге зор денсаулық, амандық, береке және алдағы өміріңізде қуанышты сәттердің көп болуын тілейміз!
Жамбыл облысы ТЖД
Ақпарат көзі : https://www.gov.kz/memleket/entities/emer-zhambyl/press/news/details/1294311?lang=ru
Жауап қалдыру