Сарысу ауданы Төтенше жағдайлар бөлімінің Жаңатас қаласы №16 өрт сөндіру бөлімінің жеке құрамымен кәсіби және дене даярлығын жетілдіру мақсатында жылу-түтін камерасында арнайы жаттығу өткізілді. Жаттығу барысында қызметкерлер жоғары температура мен қою түтін жағдайында әрекет ету, тыныс алу органдарын қорғау құралдарын дұрыс пайдалану, белгіленген бағыт бойынша қозғалу және қауіпсіздік талаптарын сақтау бойынша практикалық тапсырмаларды орындады. Мұндай жаттығулар өрт сөндірушілердің кәсіби шеберлігін арттырып, төтенше жағдай кезінде жедел әрі дұрыс әрекет ету дағдыларын жетілдіруге мүмкіндік береді.
Жауап қалдыру