Алматының жеке тұрғын үй секторында өрт қауіпсіздігі айлығы аясында өрт пен улы газбен уланудың алдын алу бойынша ауқымды профилактикалық жұмыс жүргізілді.
ТЖД Түрксіб ауданының ТЖБ, жергілікті атқарушы органдардың, полицияның, газ қызметінің және «Әділет» партиясының «Жастар рухы» жастар қанатының өкілдерімен бірлесіп мекенжай бойынша тексерулер жүргізді. Мұқтаж отбасылардың үйлерінде пештер мен электр жүйелері тексеріліп, түтіндіктер тазартылып, улы газ датчиктері орнатылды. «Magnum» дүкендер желісінің қолдауымен отбасыларға азық-түлік себеттері берілді.
Жылыту маусымы басталар алдында:
– пештің және түтіннің жарамдылығын тексеріңіз;
– түтінді күйеден тазартыңыз;
– жарамсыз жылыту құралдарын пайдаланбаңыз;
– улы газ датчигін орнатыңыз;
– жағылып жатқан пешті қараусыз қалдырмаңыз.
Алғашқы суықты күтпеңіз – жылуды алдын ала дайындап, үйіңіздің қауіпсіздігіне қамқорлық жасаңыз.
Ақпарат көзі : https://www.gov.kz/memleket/entities/emer-almaty/press/news/details/1298139?lang=ru
Жауап қалдыру