Көкшетауда есірткі қылмысына қарсы іс-қимыл бөлімшесінің қызметкерлері күшті әсер ететін дәрілік препараттардың заңсыз айналымы фактісінің жолын кесті.
34 жастағы қала тұрғыны осы жылдың көктемінде жедел уәкілдердің назарына ілікті. Бірнеше ай бойы полицейлер әйелдің заңсыз әрекетін құжаттайтын жедел шаралар кешенін жүргізді.
Қыркүйек айында ол Көкшетау үйлерінің бірінің ауласында ұсталды. Тергеу іс-шаралары барысында полицейлер түрлі нысандарда-капсулалар, құтылар және таблеткалар түрінде седативті әсер ететін дәрілік препараттардың бірнеше түрін тауып, тәркіледі.
Осы факті бойынша қылмыстық іс қозғалды. Қазіргі уақытта болған оқиғаның барлық мән-жайлары, оның ішінде әйелдің осындай мөлшердегі препараттарды сақтау мақсаты белгіленуде.
Полиция департаменті еске салады: есірткілік немесе психотроптық заттар болып табылмайтын прекурсорларды, күшті әсер ететін не улы заттарды заңсыз дайындау, өңдеу, сатып алу, сақтау, тасымалдау немесе жөнелту қылмыстық жауаптылыққа әкеп соғады. Жасалған іс-әрекеттің мән-жайларына байланысты жаза бес жылға дейінгі мерзімге бас бостандығынан айыруды көздеуі мүмкін.
Ақпарат көзі : https://www.gov.kz/memleket/entities/mvd-akmola/press/news/details/1298393?lang=ru
Жауап қалдыру