А.С. Пушкин атындағы Шығыс Қазақстан облыстық кітапханасында «Есенгелді би тарихы мен шежіресі» атты кітаптың таныстырылымы өтті.
Аталған еңбек – Тарбағатай өңірінің көрнекті перзенті, елге сыйлы би, дана мәмілегер, мемлекет қайраткері Есенгелді биге арналған. Бұл кітап тек шежіре ғана емес, сонымен қатар тарихи-мәдени маңызы зор зерттеу. Онда бидің бес Саты, алты Жұмық деген екі үлкен әулетінен тараған ұрпақтарының генеалогиясы жан-жақты зерделенген.
Кітапта Есенгелді бидің ел ішіндегі орны, шешендік өнері, жас ұрпақ тәрбиесіндегі рөлі кеңінен ашылып көрсетілген. Бұл – тұтас бір әулеттің тарихын баяндайтын рухани мұра.
Еңбек ауызша деректерге, архивтік құжаттарға және көнекөз қариялардың естеліктеріне сүйене отырып жазылған. Шығарма тарихи шындыққа негізделіп, жүйелі түрде ұсынылған.
Кітаптың басты мақсаты – өскелең ұрпақтың тарихи санасын қалыптастырып, бабалар мұрасын ұлықтау.
Ақпарат көзі : https://www.gov.kz/memleket/entities/vko-oskemen/press/news/details/983123?lang=kk
Жауап қалдыру