Полиция қызметкерлері қоғамдық орындарда тәртіп пен тазалықты қамтамасыз ету бағытындағы профилактикалық жұмыстарды жалғастыруда. Көшелер, саябақтар, аулалар мен демалыс орындары – күн сайын мыңдаған адам пайдаланатын ортақ кеңістік. Оның қаншалықты таза әрі абаттандырылған болуы коммуналдық қызметтердің жұмысына ғана емес, әрқайсымыздың мәдениетіміз бен жауапкершілігімізге де байланысты. Қарапайым әдеттер – қоқысты жерге тастамау, арнайы жәшіктерді пайдалану және қоршаған ортаға ұқыпты қарау – қаламыздың баршаға жайлы болуына ықпал етеді. Полиция облыс Жетісу тұрғындары мен қонақтарын тазалық сақтауға, өзгенің еңбегін құрметтеуге және қоғамдық орындардың жағдайына бейжай қарамауға шақырады. Сонымен қатар қоғамдық орындарды ластағаны үшін заңнамада әкімшілік жауапкершілік көзделгенін еске саламыз. Құқық бұзушылық қайталанған жағдайда жауапкершілік шаралары күшейтіледі. Барлығымыз бірге өмір сүріп, жұмыс істеп, демалатын ортамыздың тазалығын сақтайық. Таза қала – әрқайсымыздың қарапайым әрекетімізден басталады
Ақпарат көзі : https://www.gov.kz/memleket/entities/mvd-zhetysu/press/news/details/1300727?lang=ru
Жауап қалдыру