«Халықаралық азаматтық авиация туралы конвенцияның (50 а), 56)-баптар) өзгерістеріне қатысты хаттамаларды ратификациялау туралы» Қазақстан Республикасы Заңының жобасы туралы» Қазақстан Республикасы Үкіметі қаулысының жобасына БАСПАСӨЗ РЕЛИЗІ

«Халықаралық азаматтық авиация туралы конвенцияның (50 а, 56 -баптар) өзгерістеріне қатысты хаттамаларды ратификациялау туралы» «Қазақстан Республикасы Заңының жобасы туралы» Қазақстан Республикасы Үкіметі қаулысының жобасы «Халықаралық шарттар туралы» Қазақстан Республикасы Заңының 5-бабының 2-тармағына сәйкес және 2022 жылғы 27 қыркүйек пен 7 қазан аралығында Канаданың Монреаль қаласында өткен Халықаралық азаматтық авиация ұйымы (ИКАО) Ассамблеясының A41-4 қарарына сәйкес әзірленді.
Халықаралық Азаматтық авиация туралы Конвенцияның (бұдан әрі – Конвенция) 50 а)-бабына түзету ИКАО Кеңес мүшелерінің санын 36-дан 40 дейін ұлғайтуды көздейді. Бастапқыда Конвенцияда ИКАО Кеңесі 21 мүшеден тұратындығы айтылған. Кейіннен бұл сан 1961 жылы 27 мүшеге, содан кейін 1971 жылы 30 мүшеге, 1974 жылы 33 мүшеге және 1990 жылы 36 мүшеге өзгертілді.
Кеңес Ассамблеяға есеп беретін ИКАО-ның тұрақты жұмыс істейтін органы болып табылады. Ол үш жылдық мерзімге Ассамблея сайлаған мүше мемлекеттерден тұрады.
ИКАО-ға қатысушы елдердің ұлғаюына, көптеген елдердегі ұлттық экономикалар үшін халықаралық әуе көлігінің дамуы мен маңыздылығының артуына байланысты кеңестің мүшелік құрамын кеңейту болашақ мәселелер мен міндеттерді шешу кезінде кеңесте кең консенсусты қамтамасыз ету үшін мемлекеттердің неғұрлым теңдестірілген өкілдігін қамтамасыз етеді.
Конвенцияның 56-бабына енгізілген түзету Аэронавигациялық комиссияның мүшелік құрамын 19-дан 21 мүшеге дейін ұлғайтуды көздейді. Бастапқыда Конвенцияда аэронавигациялық комиссияның 12 мүшеден тұратындығы айтылған. Кейіннен бұл сан 1971 жылы 15 мүшеге және 1989 жылы 19 мүшеге өзгертілді.
Аэронавигациялық комиссия ИКАО Кеңесінің қабылдауы мен бекітуі үшін ИКАО стандарттары мен ұсынылған тәжірибесін (SARPS) және аэронавигациялық қызмет көрсету ережелерін (PANS) қарастырады және ұсынады.
ИКАО-ға қатысушы елдер санының ұлғаюына байланысты Аэронавигациялық комиссияның мүшелік құрамын кеңейту комиссияға қатысушы елдерден біліктілігі мен білімінің әртүрлі практикалық салаларында тәжірибесі бар мамандарды тартуға мүмкіндік береді.
Қаулы жобасы 2024 жылғы 1 қарашада «e-gov» ашық нормативтік құқықтық актілердің интернет-порталында орналастырылды.

Ақпарат көзі : https://www.gov.kz/memleket/entities/transport/press/news/details/876477