Бүгін ҚР Мәдениет және ақпарат министрі Аида Балаева азаматтарды қабылдады.
Кездесу барысында мәдени және қоғамдық өмірдегі түрлі салалар бойынша бірқатар мәселелер талқыланды. Қабылдау онлайн және офлайн форматта өтті.
Өтініш білдіргендердің қатарында шығармашылық зиялы қауым мен қоғамдық ұйым өкілдері болды. Қатысушылар шығармашылық жобаларды дамыту, еске алу іс-шараларын ұйымдастыру, сондай-ақ кітап шығаруды қолдау секілді тақырыптарды қозғады.
Министр өтініш білдірген азаматтарды тыңдап, мәселелерді одан әрі қарау үшін комитеттер мен құрылымдық бөлімшелердің басшыларына тиісті тапсырмалар берді.
ҚР Мәдениет және ақпарат министрлігінің баспасөз қызметі
Ақпарат көзі : https://www.gov.kz/memleket/entities/mam/press/news/details/944838
Жауап қалдыру