Ағымдағы жылдың 19 наурызында Сыбайлас жемқорлыққа қарсы қызметтің Ақмола облысы бойынша «Заң мен тәртіп» нарративі аясында Көкшетау гуманитарлық-техникалық колледжінің студенттерімен кездесу ұйымдастырды.
Сыбайлас жемқорлыққа қарсы қызметтің Ақмола облысы бойынша департаментінің бас маманы сыбайлас жемқорлыққа қарсы иммунитетті нығайту мақсатында «Тәртіпті өзіңнен баста!» білім беру дәрісін өткізді.
Іс – шара барысында спикер оқушыларға сыбайлас жемқорлыққа қарсы қызметтің жұмысы, сыбайлас жемқорлыққа қарсы іс-қимыл шаралары және сыбайлас жемқорлықтың неліктен проблема екендігі туралы айтып берді.
«Студенттер – ертеңгі күннің көшбасшылары. Сіздер еліміздің болашағын қалыптастырасыздар және сыбайлас жемқорлыққа қарсы адалдық пен әділдіктің жарқын үлгісін көрсетуге ерекше мүмкіндіктеріңіз бар», – деп атап өтті Бақыт Төребекова.
Іс-шара соңында тыңдаушылар әлеуметтік сыбайлас жемқорлыққа қарсы бейнеролик көріп, Антикор 1424 Call-орталығының жұмысы туралы толығырақ ақпарат алды.
#Заң_мен_Тәртіп #ЗАҢменТӘРТІП
Ақпарат көзі : https://www.gov.kz/memleket/entities/anticorruption-aqmola/press/news/details/960526?lang=kk
Жауап қалдыру