Қазақстан БҰҰ-ның негізгі Конвенцияларын мен хаттамаларын ратификациялады, ұлттық деңгейде адам құқықтары саласындағы белсенді өзара іс-қимылдың жұмыс тетіктерін құрды. Халықаралық шарттардың қатысушысы ретінде ел адам құқықтарын құрметтеуге, қорғауға және оларды орындауға халықаралық құқық бойынша міндеттемелер мен міндеттерді өз мойнына алады.
Азаматтық қоғамның көмегімен адам құқықтары саласындағы бірқатар даму бағдарламалары, заңнаманы реформалауға, институционалдық дамуға, халықаралық стандарттарға жақындауға бағытталған іс-қимыл жоспарлары қабылданды. Президент қабылдаған адам құқықтары мен Заң Үстемдігі саласындағы іс-қимыл жоспары маңызды болды.
Адам саудасына қарсы күрес мәселелеріне ерекше назар аударылады. Елде адам саудасына қарсы күреске бағытталған жеткілікті заңнамалық база қалыптасқан, ол жүйелі негізде жетілдірілуде.
2024 жылы Мемлекет басшысы әйелдердің құқықтары мен балалардың қауіпсіздігін қамтамасыз етуге бағытталған заңға қол қойды. Халық инновацияларды оң қабылдады, ал беделді халықаралық ұйымдар, соның ішінде БҰҰ заңнамалық новеллаларды құптады. Шаралар ұлттық заңнаманы адам құқықтары саласындағы халықаралық стандарттарға сәйкес келтіруге бағытталған.
Ұлттық алдын алу тетігінің (ҰАТ) өкілі мен қатысушылары азаптау мен қатыгездіктің алдын алу мақсатында өмірлік қиын жағдайда қалған балаларды қолдау орталықтарының, колониялардың, тергеу изоляторының, психиатриялық диспансерлердің тұрақты мониторингін жүргізеді.
Ақпарат көзі : https://www.gov.kz/memleket/entities/ombudsman-sko-oblysy/press/news/details/963922?lang=kk
Жауап қалдыру