«Ашық әкімдікте» тұрғындарды қабылдады
Ел Президенті Қ.Тоқаевтың «Халық үніне құлақ асатын мемлекет» тұжырымдамасын іске асыру аясында 28 ақпан күні Қаратөбеде «Ашық әкімдік» бірыңғай қабылдау күні өтті. Аталған іс-шарада аудан әкімі, аудандағы мекемелер мен бөлім басшылары, құқық қорғау органдарының өкілдері аудан тұрғындарына қабылдау жүргізді.
Аудан әкімінің қабылдауында ауданның Сулыкөл, Алакөл және Қаратөбе ауылының тұрғындары болды.
Қабылдауға келген тұрғындар үйілерінің болмауына байланысты баспана сұраса, енді бірі тұруға жарамсыз үйіне жөндеу жұмыстарын жүргізуге көмек қажеттігін жеткізді.
Аудан басшысына жолыққан бірқатар тұрғын жұмыссыз екендіктерін айтып жұмысқа орналастыруға ықпал етуін өтінді.
Қабылдауға келген тұрғындар тарапынан қойылған мәселелерге байланысты аудан әкімі Қадыржан Орынбасарұлы тиісті жауаптарын айтып, заң шеңберінде түсініктер берді.
Ақпарат көзі : https://www.gov.kz/memleket/entities/bko-karatobe/press/news/details/964375?lang=kk
Жауап қалдыру