Өнеркәсіптік қауіпсіздікті декларациялайтын заңды тұлғалардың басшылары үшін мамандандырылған сынып ашылды.
Осы сыныпты құру өнеркәсіптік қауіпсіздік саласында мемлекеттік қызметтер көрсету жүйесін жетілдірудегі маңызды қадам болды. Енді ұйымдардың басшылары мен емтихан комиссияларының мүшелері заманауи және жабдықталған сыныпта қажетті аттестаттаудан өте алады, бұл емтихандарды тапсырудың ыңғайлылығы мен тиімділігін едәуір арттырады.
Жаңа сынып емтихан рәсімдерінен ыңғайлы және сапалы өтуді қамтамасыз ететін заманауи техникалық құралдар мен жабдықтарды қоса алғанда, тест тапсыру үшін барлық қажетті талаптармен жабдықталған. Бұл өнеркәсіптік қауіпсіздік саласындағы сертификаттау процесіне қойылатын барлық стандарттар мен нормативтерді ескере отырып емтихандар өткізуге мүмкіндік береді.
Бұл қадам елордалық департаменттің мемлекеттік қызметтер көрсету саласында заманауи технологияларды енгізуге және барлық мүдделі тараптар үшін қолжетімділік пен сапаны арттыруға деген ұмтылысын көрсетеді.
Астана қаласы ТЖД баспасөз қызметі
Ақпарат көзі : https://www.gov.kz/memleket/entities/emer-astana/press/news/details/964649?lang=kk
Жауап қалдыру