➡️Қостанай облысында Денсаулық сақтау вице-министрі Ержан Нұрлыбаевтың төрағалығымен босандыру қызметін жетілдіру мәселелері жөніндегі үйлестіру кеңесінің отырысы өтті. Өңірге сапары барысында ол Қостанай облыстық ауруханасының, балалар стационарының және қалалық емхананың жұмысымен танысты.
Жұмыс сапары барысында вице-министр медициналық мекемелердің басшыларымен кездесіп, медициналық көмек көрсетудің өзекті мәселелерін талқылап, қызметкерлердің жұмыс жағдайымен танысты.
Ауруханаларды заманауи жабдықтармен жабдықтау және сапалы медициналық қызмет көрсету мәселелеріне ерекше назар аударылды.
👍Босандыру қызметін жетілдіру мәселелері жөніндегі үйлестіру кеңесінің қатысушылары өңірдегі ана өлімін азайту жөніндегі шараларды талқылады, жүкті әйелдерге медициналық көмектің сапасын жақсарту, аналар мен жаңа туған нәрестелердің қауіпсіздігін қамтамасыз ету және медициналық персоналдың біліктілігін арттыру тәсілдерін қарады.
📢Ержан Нұрлыбаев босандыру саласындағы МСАК дамытудың басым бағыттарына, сондай-ақ акушерлік-гинекологиялық көмектің сапасы мен қолжетімділігін арттыруға назар аударды.
«Біз халыққа, әсіресе босандыру сияқты маңызды салаларда медициналық қызмет көрсету сапасын жақсарту бойынша жұмысты жалғастырудамыз. Әрбір ана мен әрбір балаға ең қауіпсіз жағдайда қажетті көмек алу маңызды», — деп атап өтті вице-министр.
Ақпарат көзі : https://www.gov.kz/memleket/entities/dsm/press/news/details/974089?lang=kk
Жауап қалдыру