Облыс орталығында спорттық акробатикадан № 1 балалар-жасөспірімдер спорт мектебінің 6 – 13 жас аралығындағы 65 акробаттың қатысуымен біріншілік өтті, оның ішінде жеті жасарДана Ғалымбек пен сегізжасар Давид Меликов үшін жарыс бірінші және сәтті өтті. Олар қола медаль жеңіпалды, жаттықтырушысы Марина Гулевская.
Дана № 7 мектептің 1-сынып оқушысы. Ол спорттық акробатикадан басқа, М. Катаев атындағы оқушылар сарайының «Сымбат» изостудиясына, «Тип-топ» би үйірмесіне барады. «Аязды витраждар» бүкіл ресейлік балалар суреті байқауында I орын, «Менің елім – менің жерім» суреттер байқауында – III орын, «Туған өлкенің сиқырлы әлемі» байқауында – II орын, «Samqay» I республикалық би байқауында – II орын алды.
Сегіз жасында Давид мектеп пәндерін ғана емес, сонымен қатар спорттық және шығармашылық шыңдарды да сенімді түрде бағындыруда. С. Торайғыров атындағы мектептің 2-сынып оқушысы және бірден бірнеше бағытта өзін көрсете алады.Алты жасынан бастап спорттық акробатикамен айналысады. Мектептегі «Домовенок» студия-театрына да қатысады. Жас актер «Music Art Festival» балалар халық байқауы аясында қалалық сахнада «Незнайка на Луне» қойылымында өнер көрсетіп, I орын алды. Павлодар қаласының көркемсурет мектебінде сурет салу дағдыларын дамытады, шахмат үйірмесіне қатысады. Шаңғы спортына құмар, жазда «Жолдар» велоклубының құрамында ересектермен тең өнер көрсетеді. Математика пәнінен «Пони», «Сапсан» олимпиадаларына қатысады.
Ақпарат көзі : https://www.gov.kz/memleket/entities/pavlodar-bilim/press/news/details/974114?lang=kk
Жауап қалдыру