ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті өңір аумағындағы құрылысы ұзаққа созылған әлеуметтік нысандарды бақылауға алып, оларға тиісті сүйемелдеу жұмыстарын жүргізуде. Басты мақсат – бюджет қаражатының тиімді жұмсалуын қамтамасыз ету, сондай-ақ құрылыс жұмыстарының сапалы әрі уақытылы аяқталуына ықпал ету.
Атап айтқанда, департамент өкілдері мен сарапшылар Мойынқұм ауданы, Айдаралы ауылындағы спорттық-сауықтыру кешенінің, Шу ауданы, Сауытбек ауылындағы су құбыры желілері мен су тарту имаратының, Т.Рысқұлов ауданы, Жарлысу ауылындағы су құбыры желілері мен су жинау құрылысының және Тараз қаласындағы №15 орта мектебіне 300 орындық (оқу корпусы, акт залы, асхана) құрылыс объектісінің қазіргі жай-күйіне мониторинг жүргізді.
Аталған жұмыстар әлеуметтік нысандардың уақытылы берілуін және құрылыс барысындағы заң бұзушылықтардың алдын алуға мүмкіндік береді. Департамент бұл бағыттағы бақылау мен сүйемелдеу жұмыстарын тұрақты түрде жалғастыратын болады.
Ақпарат көзі : https://www.gov.kz/memleket/entities/anticorruption-zhambyl/press/news/details/978921?lang=kk
Жауап қалдыру