Радиациялық қауіпсіздік бағдарламасының басты міндеті және оны қамтамасыз етуге жауапты мамандардың негізгі борышы – иондаушы сәулелену көзінен адамның денсаулығына келетін зиянды шектеу. Бұл қауіп төнуі мүмкін қалыпты жағдайларда да, апаттық оқиғалар кезінде де орын алуы мүмкін. Радиациялық қауіпсіздік жүйесінің негізінде үш маңызды принцип жатыр:
- Негіздеу: сәулеленуге қатысты кез келген шешім негізделуі тиіс.
- Оңтайландыру: адамның сәулелену мөлшері мүмкіндігінше аз болуы керек.
- Нормалау: кез келген жоспарланған сәулелену заңда белгіленген шекті мөлшерлерге сай келуі қажет.
Радиациялық қауіпсіздікті реттеу саласына келесілер жатады:
- Сәулелену көздері. Радиация тудыруы мүмкін объектілер: табиғи радиациялық фон немесе арнайы жабдықтар.
- Сәулелену жағдайлары. Бұл жағдайлар алдын ала жоспарланған немесе кенеттен туындаған апаттық жағдайлар болуы мүмкін.
- Сәулелену санаттары. Үш түрге бөлінеді: кәсіби, медициналық және халықтың сәулеленуі.
Объектінің ішінде және оның айналасында радиациялық қауіпсіздікті қамтамасыз ететін факторлар:
- жобаның сапасы;
- орынды аймақты таңдау;
- радиациялық қауіпті көздерді физикалық қорғау шараларының болуы;
- аумақты аймақтарға бөлу;
- технологиялық жүйелерді дұрыс пайдалану;
- санитариялық және эпидемиологиялық бағалау мен қызметке рұқсат беру;
- радиациялық бақылау жүйесі;
- объектінің қалыпты жұмысы кезінде, жаңғырту жұмыстары барысында және эксплуатациядан шығару жағдайында радиациялық қауіпсіздікті қамтамасыз ету шаралары;
- қызметкерлер мен халықтың радиациялық-гигиеналық сауаттылығын арттыру.
Басқарманың бас маманы: Әлия Ысқақова.
Ақпарат көзі : https://www.gov.kz/memleket/entities/kostanai-kamystin-audany-akimat/press/news/details/983905?lang=kk
Жауап қалдыру