Қызылорда бөлімшелік көліктегі санитариялық-эпидемиологиялық бақылау басқармасы басқарманың мәжіліс залында «Азық-түлік қауіпсіздігі дегеніміз не?» тақырыбында ақпараттық-түсіндіру жұмысын күшейту мақсатында семинар өткізді. Аталған іс-шараға жолаушылар пойыздарының купе-буфет қызметкерлері қатысты. Семинар барысында қатысушыларға азық-түлік қауіпсіздігінің маңыздылығы, тағам өнімдерінің сапасы мен қауіпсіздігін қамтамасыз ету жолдары, сондай-ақ санитариялық талаптардың сақталу ережелері жөнінде түсіндіру жұмыстары жүргізілді.
Семинар барысында қатысушыларға азық-түлік қауіпсіздігін қамтамасыз ету үшін қажетті санитариялық-эпидемиологиялық талаптардың маңыздылығы жан-жақты түсіндірілді. Оған қоса, тағам өнімдерінің сапасын тексеру әдістері, сақтау және тасымалдау кезінде санитариялық-гигиеналық талаптарды сақтау туралы нақты ұсыныстар мен нұсқаулар берілді.
Сонымен қатар, купе-буфет қызметкерлеріне тағамдарды дайындау және қызмет көрсету кезінде жеке гигиена нормаларын сақтау, ақаулы немесе сапасыз өнімдерді қабылдамау туралы ескерту жасалды. Семинарға қатысушылар өзара тәжірибе алмасып, туындаған сұрақтарға жауаптар алды.
Іс-шараның қорытындысында азық-түлік қауіпсіздігі мәселесі бойынша түсініктерін арттыру мақсатында қатысушыларға арнайы ақпараттық-анықтамалық материалдар таратылды. Бұл семинардың негізгі мақсаты – жолаушыларға сапалы және қауіпсіз қызмет көрсету үшін санитариялық талаптарды барынша сақтауды қамтамасыз ету болып табылады.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/983038?lang=kk
Жауап қалдыру