Еңбекшіқазақ ауданында полицейлер арсыз алаяқтықтардың тізбегіне нүкте қойды. 62 жастағы әйел өзін жер телімін рәсімдеуге көмектесемін деп таныстырып, адамдардан ақша алған.
Кейбір тұрғындардан 45 мың теңге, ал біреуінен 200 мың теңге алған. Қазірдің өзінде 29 жәбірленуші анықталды. Полицейлер бұл сан әлі де өсуі мүмкін деп отыр.
Ауыл тұрғынының бірі арыз түсіргеннен кейін тәртіп сақшылары жедел түрде тексеріс жүргізіп, күдіктінің байланыстарын анықтауға кіріскен. Нәтижесінде, бір ғана әйелдің артында тұтас алаяқтық схемасы тұрғаны белгілі болды.
– Қазіргі уақытта күдіктіге қатысты «Алаяқтық» бабы бойынша қылмыстық іс қозғалды. Тергеушілер дәлелдерді мұқият жинап, барлық жәбірленушілерді анықтаумен қатар, оның басқа да қылмыстық әрекеттерге қатысы бар-жоғын тексеріп жатыр, – деп мәлімдеді полиция өкілдері.
Тергеу жалғасуда. Полицейлер әрбір фактінің жауапсыз қалмауын және қылмыстық істі соңына дейін жеткізілуін қамтамасыз етеді.
Ақпарат көзі : https://www.gov.kz/memleket/entities/mvd-alm/press/news/details/982957?lang=kk
Жауап қалдыру