Денсаулық сақтау министрі жұмыс сапарымен Алматы қаласына барып, республикалық клиника мен медициналық бұйымдар шығаратын кәсіпорынның қызметімен танысты.
✔️Сапар шеңберінде министр медициналық бұйымдар шығаруға және фармацевтикалық қызметті жүзеге асыруға маманданған «Алмерек» ЖШС өндірістік алаңына барды.
⚪️Ақмарал Әлназарова технологиялық үдеріспен, кәсіпорынның жабдықталуымен және жатырдан қан кетуді тоқтатуға арналған гинекологиялық жиынтықтар мен баллондардан бастап биоматериалдар мен терапиялық шпателдерге арналған контейнерлерге дейін шығарылатын өнімнің ассортиментімен танысты.
⚡️Бүгінгі таңда кәсіпорын жылына 25 млн бірлікке дейін өнім шығарады,оның 70%-ға жуығы қазақстандық құрамдағы бұйымдар. Өндіріс ISO 13485 халықаралық стандарты бойынша сертификатталған және ұзақ мерзімді келісімшарттар шеңберінде үздіксіз жеткізуді қамтамасыз ете отырып, «СҚ-Фармация» ЖШС мемлекеттік дистрибьюторымен белсенді ынтымақтасады.
Бұдан әрі ведомство басшысы Инфекциялық аурулардың ұлттық ғылыми орталығында болып, ағымдағы эпидемиологиялық жағдай, ғылыми зерттеулер, сондай-ақ инфекциялық ауруларды диагностикалау мен емдеудің заманауи әдістерін енгізу туралы ақпаратты тыңдады.
📌Сапардың соңында министр Қазақ дерматология және инфекциялық аурулар ғылыми орталығының ұжымымен кездесті. Орталықта АИТВ инфекциясының, вирустық гепатиттің, дерматовенерологиялық аурулардың профилактикасы, диагностикалау және емдеу бағдарламалары іске асырылады, сондай-ақ белсенді ғылыми-практикалық және білім беру қызметі жүргізіледі.
Кездесу барысында мамандандырылған медициналық көмектің қолжетімділігін кеңейту, клиникалық процестерді цифрландыру және саланың кадрлық әлеуетін нығайту жөніндегі шаралар талқыланды.
🛡Министр медициналық мамандарды жүйелі даярлаудың және халыққа көмек көрсетуді ұйымдастыруда заманауи тәсілдерді енгізудің маңыздылығын атап өтті.
Ақпарат көзі : https://www.gov.kz/memleket/entities/dsm/press/news/details/988164?lang=kk
Жауап қалдыру