Ақмола облысының санитариялық-эпидемиологиялық бақылау департаменті ескертеді: кенелердің белсенділігі сәуірден қыркүйекке дейін жалғасады. Кенелер тек ормандарда ғана емес, сонымен қатар қалалық саябақтарда, скверлерде және қалың шөп өскен аумақтарда да кездеседі.
Өзіңіз бен жақындарыңызды қорғау үшін келесі қарапайым сақтық шараларын ұстаныңыз:
денені барынша жабатын киім мен бас киім киіңіз;арнайы репелленттерді қолданыңыз;орманда немесе саябақта серуендеген кезде әр 15–20 минут сайын өзіңізді және туыстарыңызды тексеріп отырыңыз.Егер кене тапсаңыз – оны абайлап, қыспай және жыртпай алып тастаңыз; алғаннан кейін кенені зертханаға апару қажет.
Кене арқылы жұғатын инфекциялардың инкубациялық кезеңі бір аптадан үш аптаға дейін созылуы мүмкін. Ауру белгілері бірден білінбеуі мүмкін. Есіңізде болсын: клиникалық белгілер әрдайым жұқпаны анықтауға мүмкіндік бермейді.
Сондықтан кенені мүмкіндігінше тез зерттеу және қажет болған жағдайда шұғыл алдын алу шараларын бастау өте маңызды.
Денеңізге көңіл бөліңіз — қауіпсіздік шараларын сақтаңыз!
Ақпарат көзі : https://www.gov.kz/memleket/entities/departament-kkbtu-akmolinsk/press/news/details/991535?lang=kk
Жауап қалдыру