🔰 КЕНТАУ: ЕҢБЕК КОДЕКСІ ТАЛАПТАРЫНЫҢ БҰЗЫЛУЫНА ЖОЛ БЕРІЛМЕЙДІ

Ағымдағы жылдың 5 мамыр күні Департаменттің мемлекеттік еңбек инспекторы Биділдә Ербол Серікбайұлы Кентау қаласында орналасқан ҚР ДСБ “Кентау қалалық емханасы” ШЖҚ КММ-не ҚР Еңбек кодексінің 23-бабы «Жұмыс берушінің негізгі құқытары мен міндеттері», ҚР Еңбек кодексінің 127-3-бабы «Еңбек жағдайлары зиянды жұмыстарда істейтін жұмыскерлер үшін кепілдіктер» бойынша мәселелерге қатысты аталмыш мекемеде жоспардан тыс тексеру жүргізді.

Жүргізілген тексеру нәтижесінің қорытындысымен таныстыру және орын алған мәселелердің алдын-алуда атқарылатын іс-шараларды іске асыру мақсатында Департаменттің мемлекеттік еңбек инспекторы Ербол Серікбайұлы қалалық емхана ұжымымен кездесу ұйымдастырды.

Ербол Серікбайұлы еңбек ұжымына жұмыс беруші мен жұмыскер арасындағы еңбек қатынастарында сақталуы тиіс заң талаптары мен кодекс талаптары бойынша атқарылуы тиіс іс-шаралар туралы ҚР Еңбек кодексінің заңнамалық талаптарына сәйкес түсіндірме жұмыстарын жүргізді.