Қонаев қаласында заңды жүйелі түрде бұзып жүрген, бас бостандығынан айыру орындарынан босатылған екі адамға қатысты әкімшілік қадағалау белгілеу жөнінде сот отырысы өтті. Демонстрациялық жиын қайталап жасалған құқық бұзушылықтар үшін жауапкершілікті түсіндіру және қайталанудың алдын алу мақсатында ресми түрде әкімшілік қадағалауға жататын басқа да тұлғалардың қатысуымен өткізілді.
Сотта ұрлық жасағаны үшін сотталған екі азаматқа қатысты материалдар қаралды. Полицейлер тарапынан босатылғаннан кейін түсіндіру және профилактикалық жұмыстар жүргізілгеніне қарамастан, бұл азаматтар әкімшілік құқықбұзушылықтарды жалғастырған: қоғамдық тәртіпті бұзу, жәбірлеу, қоғамдық орында мас күйінде жүру, аумақты ластау және басқа да әрекеттер.
Ұсынылған материалдарды қараған сот полицияның өтініштерін қанағаттандырып, аталған екі азаматқа алты ай мерзімге әкімшілік қадағалау белгілеу туралы шешім шығарды.
– Мұндай іс-шаралар қайталанатын құқықбұзушылықтың алдын алуға бағытталған, – деді полиция өкілдері. – Біз есепте тұрған азаматтарға заң нормаларын сақтамау ауыр құқықтық салдарға әкелетінін анық көрсетеміз.
Сот отырысынан кейін шақырылған есептегі азаматтармен профилактикалық әңгіме жүргізіп, заң талаптарын сақтау қажеттігін, қоғамға жат мінез-құлыққа жол берілмейтінін, әкімшілік қадағалаудың салдарын еске салды.
Осындай ашық форматтағы іс-шаралар бұрын қылмыстық жауапкершілікке тартылған адамдардың қатысуымен рецидивпен күресте тиімді құралға айналуда. Олар азаматтардың рұқсат етілген мен тыйым салынған әрекеттердің шекарасын айқын түсінуіне, құқықтық санасы мен тәртібінің артуына ықпал етеді.
Ақпарат көзі : https://www.gov.kz/memleket/entities/mvd-alm/press/news/details/993268?lang=kk
Жауап қалдыру