Өсіп келе жатқан ұрпақтың қауіпсіздігін қамтамасыз етуге бағытталған алдын алу іс-шаралары аясында Тараз қаласы Төтенше жағдайлар басқармасының қызметкерлері Жамбыл облысы ТЖД Жедел-құтқару жасағының құтқарушыларымен бірлесіп, №35, №23 және №27 мектептерінде оқушыларға арнап түсіндіру сабақтарын өткізді.
Кездесулердің негізгі мақсаты – оқушылардың төтенше жағдайлар кезіндегі іс-қимыл ережелері туралы білімін арттыру, өрттің алдын алу, балалардың терезеден құлап кету жағдайларының алдын алу және шомылу маусымында қауіпсіздік шараларын сақтау жөнінде түсіндіру жұмыстарын жүргізу болды.
Сабақ барысында мамандар оқушыларға өрттің шығу себептері және мектепте де, үйде де өрт қауіпсіздігі ережелерін сақтаудың маңыздылығы туралы түсінікті түрде айтып берді. Отпен, электр құралдарымен мұқият жұмыс істеу және сіріңкемен ойнаудың қауіптілігі ерекше атап өтілді.
Жаз мезгілінде өзекті болатын – балалардың терезеден құлап кету мәселесі де назардан тыс қалмады.
Жазғы шомылу маусымының қарсаңында мамандар оқушыларға судағы қауіпсіздік ережелерін еске салды. Атап айтқанда, жабдықталмаған жерлерде шомылуға, шектен тыс алысқа жүзуге немесе белгісіз жерлерде суға секіруге болмайтындығы түсіндірілді. Суға кетіп жатқан адамға алғашқы көмек көрсету және төтенше жағдай кезінде әрекет ету бойынша да ұсыныстар берілді.
Оқушылар талқылауға белсене қатысып, сұрақтар қойып, өздерінің оқиғаларымен бөлісті.
Мұндай іс-шаралар балалардың жеке қауіпсіздікке деген жауапкершілікті көзқарасын қалыптастыруға және әртүрлі төтенше жағдайларда дұрыс әрекет етуге үйретуге көмектеседі. Тараз қаласының Төтенше жағдайлар басқармасы бұл бағыттағы жұмысын жалғастырып, мүмкіндігінше көп білім беру мекемелерін қамтуды көздейді.
Жамбыл облысы ТЖД ИЖ және СКТ
Ақпарат көзі : https://www.gov.kz/memleket/entities/emer-zhambyl/press/news/details/994592?lang=kk
Жауап қалдыру