Қазақстанда салық төлеушілердің жеке шоттарын жүргізу 2018 жылғы 27 ақпандағы № 306 ҚР Қаржы министрінің бұйрығымен реттеледі. Бұл бұйрыққа 2024 жылғы 5 наурызда соңғы өзгерістер енгізілген. Бұйрық салықтар мен төлемдердің, өсімпұлдар мен айыппұлдардың есебін, сондай-ақ төлемдерді есепке жатқызу мен қайтару тәртібін белгілейді.
Негізгі ережелерЖеке шоттың ашылуы:
Жеке шот салық төлеушінің (немесе салық агентінің) тіркеу деректері, соның ішінде ЖСН/БСН негізінде ашылады.
Есеп жүргізу:
Жеке шот бойынша есеп салықтар, бюджетке төленетін төлемдер, әлеуметтік төлемдер, айыппұлдар мен өсімпұлдар бойынша жүргізіледі. Жазбалар салықтық есептілік, хабарламалар және төлем құжаттары негізінде жасалады.
Есеп айырысу сальдосы:
Жеке шотта есептелген, төленген, есепке жатқызылған және қайтарылған сома ескеріле отырып, есеп айырысу сальдосы есептеледі.
Берешек туралы ақпарат:
Жеке шоттағы мәліметтер негізінде салық төлеушінің берешегі бар-жоғы туралы анықтама қалыптастырылады.
Ақпарат көзі : https://www.gov.kz/memleket/entities/kgd-ulytau/press/news/details/995828?lang=kk
Жауап қалдыру