Осы сенбіде Өскемен әлем бойынша танымал экологиялық қозғалысқа тағы да қосылады. «Таза ойындар» 17 мамыр күні «Самал» саябағында өтеді.
«Таза ойындар» – бұл экологиялық ағартуға бағытталған, адамдарды табиғатты қоқыстан тазартуға ынталандыратын қайырымдылық жобасы. Қатысушылар қоқысты жинап, сұрыптап, қайта өңдеуге тапсырады – бәрі ойын-сауық пен жарыс түрінде өтеді.
Жиналған қалдық көлеміне сәйкес ұпайлар беріледі. Қосымша ұпайларды қоқысты бөлек жинау, квест кезінде табылған ерекше заттар – «артефактілер» үшін және арнайы тапсырмаларды орындау арқылы алуға болады.
Жеңімпаздар сыйлықтармен, сондай-ақ @quartz_ust_kamenogorsk компаниясының қайта өңделген шынысынан жасалған кубоктар мен медальдармен марапатталады.
Сонымен қатар, қатысушыларға сыйлықтар үлестіріліп, экологиялық викторина ұйымдастырылады.
Ойынға қосылу үшін 2–4 адамнан тұратын команда жинап, @clean_games_ukg парақшасының профиліндегі белсенді сілтемесі арқылы тіркелу және ойынға ыңғайлы киіммен келу жеткілікті.
Ойын ережесіне қатысты барлық сұрақтарға жауап пен қажет заттарды ұйымдастырушылар береді.
Жиын және командаларды тіркеу: 9.00.
Ақпарат көзі : https://www.gov.kz/memleket/entities/akimvko/press/news/details/997302?lang=kk
Жауап қалдыру