Солтүстік Қазақстан облысында көктемгі дала жұмыстары қарқын алуда

Ауыл шаруашылығы өндірісін әртараптандыру аясында өңірде майлы дақылдар алқабы ұлғайтылды. Өткен жылмен салыстырғанда олардың егістері 85 мың гектарға — 674,2 мың гектардан 760 мың гектарға дейін өсті.

Ағымдағы жылдың көктемінде қалыптасқан қолайлы агрометеорологиялық жағдайлар егіс науқанының уақтылы басталуын ұйымдастыруда шешуші рөл атқарды. Қар жамылғысының ерте еруі және температураның тұрақты көтерілуі топырақта жеткілікті жылудың жиналуына ықпал етті, бұл фермерлерге бұршақ және майлы дақылдарды әдеттегіден ерте егуге мүмкіндік берді. Іс жүзінде егіс жұмыстары сәуір айының соңында басталды, бұл агротехникалық негізделген мерзімдерге сәйкес келеді.

Бүгінгі таңда көктемгі егіс 273,2 мың гектар алқапта жүргізілді, бұл жалпы жоспардың 6,5 пайызын құрайды. Осы көлемнің 196,8 мың гектары дәнді-бұршақты дақылдарға тиесілі (6,0 пайыз), майлы дақылдар 71,0 мың гектар жерге егілді, бұл жоспарланғанның 9,3 пайызын құрайды.

Ауыл шаруашылығы өндірушілерін қажетті ресурстармен қамтамасыз ету үшін барлық шаралар қабылданды. Бүгінгі таңда 274,5 мың тонна минералды тыңайтқыштарға келісімшарт жасалды. 470 мың тонна кондициялық тұқым бар, сондай-ақ 52,6 мың тонна элиталық тұқым сатып алынды. Ағымдағы маусымда сортты жаңарту деңгейі 11,2 пайызды құрайды.

Өңірдің аграршыларына литріне 254 теңге бағамен 52,2 мың тонна жеңілдікті дизель отыны бөлінді, ал нарықтық бағасы литріне 307 теңгені құрайды. Егіс науқанына техника толығымен дайындалды: 12,3 мың бірлік ауылшаруашылық машиналары тартылды, олардың дайындығы 100 пайызды құрайды.

Егіске алдын ала дайындық ауыл шаруашылығы өндірушілерін ерте қаржыландырудың арқасында мүмкін болды. “Кен Дала 1” және “Кен Дала 2” мемлекеттік бағдарламалары аясында Солтүстік Қазақстан облысының аграршылары 70,7 миллиард теңге алды, оның 30 миллиарды “Солтүстік” ӘКК арқылы берілді. “ҚазАгроҚаржы” АҚ арқылы тағы 11,2 миллиард теңге қаржыландырылды. Форвардтық сатып алуды өткізуге 7,4 миллиард теңге бөлінді.

Егіс науқанының барысын жедел бақылау үшін өңірде арнайы штаб құрылып, белсенді жұмыс істейді, оның міндеттеріне көктемгі егіс жұмыстарының барлық кезеңдерін үйлестіру кіреді.

Ақпарат көзі : https://www.gov.kz/memleket/entities/sko-sayasat/press/news/details/998219?lang=kk