Семей қаласының әкімінің міндетін атқарушы Бекжан Бапышев жеке қабылдау барысында көтерілген тұрғындардың өтінішін бақылауға алып, Первомайская көшесі, 37 мекенжайындағы аулаға барды. Тұрғындармен кездесіп, аула аумағының қазіргі жай-күйімен танысты.
Кездесу барысында тұрғындар ауланың тозғанын, абаттандыруды қажет ететінін айтты. Атап айтқанда, ойын алаңын жарықтандыру, жаяу жүргіншілер жолын салу, аулалық жолдарды асфальттау қажеттігі көтерілді. Сондай-ақ ойын алаңы маңындағы алынып, бірақ шығарылмаған жиек тастары да тұрғындардың алаңдаушылығын туғызуда.
«Биыл ауланы тұрғындардың өтінішімен абаттандырамыз. Асфальт төселіп, жаяу жүргіншілер жолы салынады. Сонымен бірге қараусыз жатқан жиек тастары шығарылып, тиісті шаралар қабылданады», – деді Бекжан Бапышев тұрғындармен кездесу барысында.
Ауланы абаттандыру бойынша тиісті мекемелерге нақты тапсырмалар берілді. Жұмыстар кезегімен атқарылатын болады.
Ақпарат көзі : https://www.gov.kz/memleket/entities/abay-semey/press/news/details/998113?lang=kk
Жауап қалдыру