Шымкент қаласының Жұмыспен қамту және әлеуметтік қорғау басқармасына қарасты №3 арнаулы әлеуметтік қызмет көрсету орталығында Халықаралық отбасы күніне орай “Ана – өмірдің шуағы” атты мазмұнды іс-шара өтті.
Ішкі саясат және жастармен жұмыс басқармасымен бірлесе ұйымдастырылған шарада аналар мен балаларға көрсетілетін мемлекеттік қолдау жайы кеңінен сөз болды. Іс-шара барысында аналардың құқығын қорғау, олардың қоғамдағы рөлі және өмірлік қиын жағдайлардан шығуына көмек көрсетуге бағытталған жұмыстар таныстырылды.
Аталған орталық жыл басынан бері тұрмыстық зорлық-зомбылық көрген 37 ана мен 92 балаға арнаулы әлеуметтік қызмет көрсеткен. Қазіргі таңда мұнда 10 ана мен 23 бала түрлі қолдауға ие болуда.
Орталықта ұсынылатын 8 түрлі арнаулы әлеуметтік қызметтің қатарында әлеуметтік-психологиялық, құқықтық, тұрмыстық және мәдени бағыттағы көмектер қамтылған.
Жиын соңында аналарға сый-құрмет көрсетіліп, мерекелік көңіл-күй сыйланды.
Ақпарат көзі : https://www.gov.kz/memleket/entities/shymkent-zhumys-aleumettik-korgau/press/news/details/997055?lang=kk
Жауап қалдыру