Мемлекет басшысы өзінің Қазақстан халқына Жолдауында 2025 жылды жұмысшы мамандықтар жылы деп жариялады, ол біздің қоғамдағы еңбекқорлық пен кәсіпқойлық құндылықтары әрқашан бірінші орында тұруы тиіс екенін, өз ісінің мамандарының арқасында ұлтымыздың жаңа сапасы қалыптасатынын атап өтті.
Қазақстан Республикасының президенті Қасым-Жомарт Тоқаев экономика үшін білікті кадрларды даярлау қажеттігіне, әсіресе тез өзгеретін еңбек нарығы жағдайында бірнеше рет назар аударды, тек жоғары білім ғана табысты мансаптың кепілі деген стереотиптерді өзгерту үшін жастар арасында жұмысшы мамандықтарын дәріптеудің маңыздылығын атап өтті.
Бүгін, ағымдағы жылдың 8 мамырында Жақсы аудандық мәслихатының жанындағы «Аудан мектептерінде жұмысшы мамандықтарын насихаттау» мәселесі бойынша тұрақты комиссиялардың бірлескен отырысы өтті. Новокиенка, Тарасовка, Подгорное ауылдарының жалпы білім беретін мектептерінің директорлары тыңдалды.
Аудан мектептерінде жұмысшы мамандықтарына құрметпен қарау көзқарасын қалыптастыра отырып, ақпараттық жұмыстар атқарылып, оқушыларды практикалық іс-шараларға тарту жүзеге асырылуда. Бұл өндірістік кәсіпорындарға, машина-трактор станцияларына (МТМ) экскурсиялар, механизаторлардың қатысуымен тракторларды жөндеу бойынша шеберлік сағаттары, педагог-психологпен бірге өткізілетін кәсіби бағдар беру тренингтері мен топтық әңгімелер сиақты практикалық іс-шаралар жұмыстары жүргізілуде.
Ақпарат көзі : https://www.gov.kz/memleket/entities/maslihat-zhaksy/press/news/details/994323?lang=kk
Жауап қалдыру