Балаларды қорғау күні қарсаңында Батыс Қазақстан облысы Төтенше жағдайлар департаментінің қызметкерлері «Балалардың қауіпсіздігі – басты назарда» ұранымен ауқымды іс-шара өткізді.
Балаларға арналған мереке ТЖ вице-министрі генерал-майор Кеген Тұрсынбаевтың құттықтау бейнеүндеуімен, сондай-ақ Департамент бастығының орынбасары Марат Мұратов құттықтау сөздерімен және балалар алдында ақыл айтумен басталды.
Бұдан әрі балалар мерекелік көңіл-күйде ойындар мен байқауларға қатысты. Сондай-ақ, балалар үшін арнайы техника бойынша өрт сөндірушілер мен құтқарушылардың жауынгерлік киімдерін киіп, олардың көлік құралына кіріп, олардың рөлін сезіну мүмкіндігі көрсетілді.
Іс-шара соңында балмұздақпен тамақтанып, байқауға қатысқаны үшін жүлделі орындар мен сыйлықтар таратылды.
Іс-шараның басты мақсаты – балаларды қауіпсіздік ережелеріне үйрету, ТЖ-да мінез-құлық мәдениетін қалыптастыру және құтқарушы мамандығының ерлігін көрсету.
БҚО ТЖД Баспасөз қызметі
Ақпарат көзі : https://www.gov.kz/memleket/entities/emer-zko/press/news/details/1007351?lang=kk
Жауап қалдыру