Ардақты ағайын!
Қадірлі жерлестер!
Сіздерді еліміздің егемендігі мен тәуелсіздігін паш ететін Мемлекеттік рәміздер күні мерекесімен құттықтаймын!
1992 жылы 4 маусымда Тәуелсіз Қазақстанның Мемлекеттік рәміздері туралы заңға қол қойылды.
Сол сәттен бастап бұл күн қазақстандықтар үшін басты мерекелердің біріне айналды.
Мемлекеттік рәміздер – біздің сонау ғасырлар қойнауынан сыр шертер тағылымды тарихымыздың шынайы көрінісі. Оның мазмұнды нышандары кешегі өткенімізді айшықтап, ертеңгі мақсатымызды айқындап тұр.
Елбасы «Мемлекеттік рәміздер – халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер»,-деп рәміздердің ел өміріндегі маңызын сипаттаған болатын.
Азат елдің бірден-бір нышаны саналатын рәміздерімізді қастерлей білу – бүгінгі, ертеңгі ұрпақтың парызы.
Құрметті жерлестер!
Тәуелсіздігіміз баянды, бірлігіміз бекем болсын! Мемлекеттік рәміздер күні мерекесі құтты болсын! Көк Туымыз көгімізде мәңгі желбірей берсін!
Мақаншы ауданы мәслихатының төрағасы Болат Өтегенұлы Биболов
Ақпарат көзі : https://www.gov.kz/memleket/entities/makanshy-maslihat/press/news/details/1011381?lang=kk
Жауап қалдыру