Ағымдағы жылдың 9 маусымында Шахмет Құсайынов атындағы облыстық қазақ музыкалық-драма театрының сахнасында сыбайлас жемқорлыққа қарсы мәдениетті нығайту және адалдық пен парасаттылық қағидаттарын насихаттау аясында маңызды оқиғаға айналған «Емтихан» спектаклі өтті.
Іс-шараны Ақмола облысы бойынша Сыбайлас жемқорлыққа қарсы қызметі облыстық мәдениет басқармасымен бірлесіп, Азаматтық қорғау академиясының курсанттары, студентті, колледждер мен университеттердің профессорлық-оқытушылық құрамы үшін ұйымдастырды.
Қойылымның мақсаты жастардың бойында тұрақты құқықтық және моральдық бағдарларды қалыптастыру, сыбайлас жемқорлық әрекеттерін айыптау, сондай-ақ әділ қоғамның негізі ретінде «Заң мен тәртіп» қағидатына саналы көзқарасты дамыту болды.
«Емтихан» драмасы маңызды моральдық және әлеуметтік тақырыптарды ашады. Негізгі қақтығыс мұғалім мен оған бағаларды өзгертуді талап ететін оқушылар арасында өрбиді. Қойылым сыбайлас жемқорлыққа қарсы мәдениетті қалыптастыруға бағытталған, көрермендерді адалдық, ар-ождан және азаматтық жауапкершілік туралы ойлауға шақырады.
Көркем образдар мен өткір диалогтар арқылы актерлер сыбайлас жемқорлыққа қарсы қысым немесе азғыру жағдайында адам алдында тұрған моральдық таңдаудың тереңдігін аудиторияға жеткізді.
Жанды театр тілі мен өзекті сюжетінің арқасында көрермендер сыбайлас жемқорлыққа қарсы іс-қимылға жаңа көзқараспен қарады – бұл тек заңды міндет қана емес, сонымен қатар әрбір азаматтың адамгершілік борышы.
#Заң_мен_Тәртіп #ЗАҢменТӘРТІП
Ақпарат көзі : https://www.gov.kz/memleket/entities/anticorruption-aqmola/press/news/details/1014782?lang=kk
Жауап қалдыру