Молдағалиева Нүргүл Қамзанқызы — СҚО санитариялық-эпидемиологиялық бақылау департаментінің аса қауіпті инфекциялар мен туберкулезге қарсы бақылау бөлімінің жетекші маманы.Санитариялық қызмет саласында 27 жылдан астам уақыт еңбек етіп келеді.
Павлодар медициналық училищесін санитариялық фельдшер мамандығы бойынша аяқтағаннан кейін, өз еңбек жолын Есіл ауданы, Корнеевка ауылында санитариялық дәрігердің көмекшісі ретінде бастаған.
«Маған бұл жерде жұмыс істеу өте ұнайды. Бұл — жай ғана мамандық емес, бұл — менің таңдауым, өмірлік миссиям. Адамдардың денсаулығын қорғауға үлес қосып, өз ісіне берілген нағыз мамандармен бірге жұмыс істеп жүргеніме мақтанамын», — дейді Нүргүл Қамзанқызы.
Көпжылдық адал еңбегі үшін Нүргүл Қамзанқызы Комитет пен Департаменттің Құрмет грамоталары және Алғыс хаттарымен бірнеше рет марапатталған.
Медицина қызметкерлері күніне арналған Нүргүл Қамзанқызының құттықтауы:«Кәсіби мерекемен барша әріптестерімді шын жүректен құттықтаймын!
Еңбектеріңіз әрдайым лайықты бағалансын.
Өмірлеріңіз бақытқа, шаттыққа, жылулыққа толы болсын».
Ақпарат көзі : https://www.gov.kz/memleket/entities/departament-kkbtu-sko/press/news/details/1015226?lang=kk
Жауап қалдыру