«Қарағанды» фотоклубы көрме марафонын жалғастыруда. Ол 3 маусымда Александр Ермаковтың жеке көрмесімен басталды. Жоба аясында 13 маусымда сағат 16:00-де облыстық мұражайда «Үш тақырыптың міндеті» атты жаңа фотокөрме ашылады. Үш автор, үш өзгеше әдеп, уақыт, кеңістік және адам туралы үш визуалды әңгіме.
Валерий Калиев қалаларды іс жүзіне қандай болса, солай өзгеріссіз көрсетпек: өнеркәсіптік аймақтар, аулалар, бос орындар. Фотосуреттер түрлі қалаларда, әр уақытта алдын ала берілген тұжырымдамасыз түсірілді. Оның стилі Dead Pan философиясына жақын және деректі сурет шеберлерінің туындыларынан шабыттанған.
Виктор Майский тек өзі үшін ғана емес, көрермендер үшін де қызықты кадрлар жинады. Өзінің фотосуреттерінде оған ұнайтын, оның көңілі толмайтын, бөліскісі келетін нәрсені көрсетеді. Көрмеде пленкаға да, цифрлы камераға да түсірілген кадрлар ұсынылады.
Мария Луцук постапокалипсис жанрындағы фотожобасын ұсынады. Идея 2021 жылы пайда болып, @35awards халықаралық байқауында белгіленген толыққанды визуалды әлемге айналды. «Кішкентай механик» сериясы 2022 жылы «Балаларға арналған қойылым фотосуреті» санатында 4-орынды иеленді, ал «Безумная Руанна» сериясы өткен жылы «Қойылым фотосуреті» санатында көрермендер таңдауына ие болды. Кинематографиялық көріністер, костюмдер, грим, атмосфера – әрбір кадр фильмдегідей.
Көрме 19 маусымға дейін жалғасады.
Мұражайдың мекен-жайы: Бұқар жырау даңғылы, 76. Жұмыс уақыты: 10:00-ден 18:00-ге дейін.
Ақпарат көзі : https://www.gov.kz/memleket/entities/karaganda/press/news/details/1015519?lang=kk
Жауап қалдыру