Ұлытау облысы кәсіпкерлер палатасының алаңында шағын және орта бизнесті дамыту және сауда салалық кеңесінің отырысы өтті. Іс-шараға Кеңес төрағасының орынбасары А. Есов төрағалық етті.
Жиынға Сауда және тұтынушылардың құқықтарын қорғау департаменті, Жергілікті полиция басқармасы, өңір кәсіпкерлері, сондай-ақ Мемлекеттік қызметтер көрсету және түсіндіру жұмысы басқармасының басшысы Ж. Оңғарқұлова қатысты.
Кеңес барысында қаралған негізгі мәселелердің бірі – «Salyq кэшбек» пилоттық жобасын Ұлытау облысында іске қосу болды. Ж. Оңғарқұлова жобаның мақсаттары, ережелері мен маңыздылығын түсіндіріп, кәсіпкерлердің сұрақтарына жауап берді. Өз кезегінде кәсіпкерлер жобаны қолдау мүмкіндігін қарастыратынын білдірді.
Ақпарат көзі : https://www.gov.kz/memleket/entities/kgd-ulytau/press/news/details/1012377?lang=kk
Жауап қалдыру