2025 жылдың І жартыжылдығына арналған есеп беру кездесуі аясында Сауран ауданының әкімі Мақсат Таңғатаров Ескі Иқан ауылдық округінің тұрғындарымен жүздесті.
Жиын барысында ауылдық округ әкімі Дильшад Саитов округтің өткен жартыжылдықтағы әлеуметтік-экономикалық даму барысы мен алдағы жоспарлар жөнінде баяндама жасады. Ол инфрақұрылымды жаңарту, тұрғындардың әл-ауқатын арттыру және ауыл шаруашылығы бағытында атқарылған жұмыстарға кеңінен тоқталды.
Кездесу еркін форматта өтіп, тұрғындар ауылды дамытуға қатысты өзекті мәселелерді көтерді. Атап айтқанда, жер және инфрақұрылым мәселесі, ағын су тапшылығы және кәсіпкерлік саласы бойынша бірқатар ұсыныс-пікірлер айтылды. Сауран ауданының әкімі кездесуде сөз сөйлеп, тұрғындарды мұқият тыңдап, көтерілген әрбір сұраққа жеке-жеке тоқталды.
«Ауданымыздың әрбір елді мекені – біз үшін маңызды. Сіздердің ұсыныс-пікірлеріңіз – жұмысты жүйелеуге жол көрсететін нақты бағыт. Бүгін көтерілген мәселелер назарға алынып, жауапты бөлімдерге тиісті тапсырмалар жүктеледі», – деді аудан әкімі өз сөзінде.
Сондай-ақ, әкім ауылды кешенді дамыту бағытындағы жұмыстар жалғасатынын атап өтті.
Сауран ауданы әкімдігінің баспасөз қызметі
Ақпарат көзі : https://www.gov.kz/memleket/entities/sauran-turkestan/press/news/details/1012161?lang=kk
Жауап қалдыру