Кез келген мамандықта отбасының орны – қашанда құрметті. Ал ішкі істер органдарындағы полицейлер отбасылары – ерекше жағдай. Қызметтің қиындығы мен қуанышын, ауыртпалығы мен мақтанышын олар бірге өткереді. Заң мен тәртіпті сақтау жолындағы өмірлік таңдауы да бала кезден бастау алады, өйткені полиция қызметі – бұл жай жұмыс емес, бұл – мамандық емес, бұл – шақырту. Көп жағдайда қызметкерлер өз өмірлік жарларын әріптестері арасынан табады.
Экибастұз қаласының полиция басқармасында ерлі-зайыпты болып бірге қызмет ететін бірнеше отбасы бар. Солардың бірі – Кожелдаковтар әулеті. Бұл жұп бір-біріне сенімді тірек болып, қызмет пен отбасылық өмірді үйлестіріп келеді.
Полиция подполковнигі Сабит Әбілқайырұлы мен жары Айна Тулешқызы қызмет барысында танысқан. Сабит – учаскелік инспектор, ал Айна – тергеу бөлімінің аға тергеушісі. Олар үш баланы тәрбиелеп отыр. Үлкен қыздары биыл Қостанай академиясына түспекші – ол да елге пайдалы болуды армандайды.
– Полицияда қызмет ету – ауыр да қауіпті, бірақ абыройлы іс. Баршаға амандық, махаббат пен адалдық, табыс, мықты денсаулық, өз күшіне сенімділік және отбасылық бақыт тілеймін. Сондай-ақ жас тәртіп сақшыларына әкелері мен аталарының жолын абыроймен жалғастырып, ел мен халық алдындағы парызын адал атқаруға тілектеспін, – дейді Сабит Кожелдаков.
– Отбасы – бұл жылулық пен жайлылықтың мекені. Онда әрқашан сені күтеді, жұбатып, қолдау көрсетеді. Отбасының үлкен-кішілігі маңызды емес, “менің отбасым” деген сөздің өзі жүрекке жылу береді. Бұл – әлемнің бір шетінде орналасқан шағын ғана жайлы үй, бүлдіршіндердің шаттық күлкісі, қуанышы мен қайғысын бірге бөлісетін жан. Бұл – саған үміт пен күш беретін жарық сәуле, өмірді бар болмысымен қабылдауға көмектесетін сүйеніш, – дейді Айна Кожелдакова.
Ақпарат көзі : https://www.gov.kz/memleket/entities/mvd-pavlodar/press/news/details/1017186?lang=kk
Жауап қалдыру