Қалалық мәслихаттың әлеуметтік және мәдени даму мәселелері жөніндегі тұрақты комиссиясында аулалық футбол алаңдарын пайдалану мәселелері қаралды.
⠀Қалалық спорт бөлімі хабарлағандай, Павлодардың тегін пайдалануға берілген 17 аула футбол алаңында 87 әуесқой және 12 балалар командасы жаттығады.
⠀Жаттығу жасау үшін берілген өтінімдерге сәйкес ойындар кестесі жасалды: балалар командалары үшін жаттығулар арасындағы үзілістермен сағат 10.00 – ден 17.00-ге дейін, ал ересектер командалары: матчқа – бір жарым сағаттан: 19.00-ден 22.00-ге дейін ойнайды.
Ал жақын маңдағы үйлерде тұратын балалар үшін алаң: сағат 19.00-ге дейін беріледі.
⠀ҚР Әкімшілік құқық бұзушылық туралы Кодексінің 434-2 (ортақ пайдаланылатын орындарды ластау) және 437 (тыныштықты бұзу) баптарына сәйкес ойын алаңдарын пайдалануға рұқсаттарды ресімдеу кезінде команда өкілдері жүріс-тұрыс қағидаларымен және жауапкершілік шараларымен танысуға міндетті.
⠀Әр алаңның жанындағы ақпараттық стендтерде ойындар кестесі және көрсетілген мақалалардан үзінділер орналастырылған. Егерде сағат 22:00-ден кейін тыныштық бұзылса тұрғындардың полицияға хабарласуына болады.
⠀Сондай-ақ, депутаттар электрлік сырғанақтар қозғалысының қауіпсіздігі мәселесін көтерді.
⠀Қала тұрғындары көбінесе қарапайым мәдениет ережелерін елемейді, бұл самокат жүргізушілерінің де, жаяу жүргіншілердің де арасында жарақат алуына әкеледі.
⠀Самокат жүргізушілеріне рұқсат етілмеген жерлерде қозғалғаны үшін әкімшілік жауапкершілік қарастырылған.
⠀Электр скутерлердің рұқсат етілген ең жоғары жылдамдығы сағатына 25 шақырымнан, ал тротуарлар мен жаяу жүргіншілер жолдарымен жүру кезінде сағатына 6 шақырымнан аспайды. Өкінішке орай, бұл ережелер жиі бұзылады.
⠀Депутаттар осы өзекті екі мәселені де бақылауға алғанын және тұрақты рейдтер жүргізулеріне дайын екендіктерін жеткізді.
Ақпарат көзі : https://www.gov.kz/memleket/entities/maslihat-pavlodar-pvl/press/news/details/1004121?lang=kk
Жауап қалдыру